Студенттермен тәжірибе алмасу

Шымкент қаласы білім басқармасына қарасты №62 Н.Төреқұлов атындағы жалпы орта білім беретін мектебіне Оңтүстік Қазақстан мемлекеттік педагогикалық университетінің «Көркем еңбек және сызу» факультетінің 1 курс студенттері келіп, көркем еңбек пәп мұғалімдерінің бір күндік іс-тәжірибелерімен  танысты. Келген студенттер көркем еңбек пәнінің мұғалімі М.Серикованың 4 «А» сыныбындағы көркем еңбек сабағына қатысты. Сабақта қолданатын әдіс-тәсілдермен танысып, тақырыпқа байланысты оқушылармен бірге сурет салды. Сонымен қатар, А.Долиеваның «Жүннен бұйым жасау» тақырыбындағы шеберлік сағатына қатысты. Жүннен қандай бұйымдар жасауға болатынын көріп, практикалық жұмыс жасады. Болашақ мұғалімдерге білікті маман иесі болуларына тілек білдіреміз.