Ашық ұйымдастырылған оқу қызметі Мектеп алды даярлық тобы

Тобы/сыныбы: МАД
Күні: 03.02.2022
Жетекшісі: №62 Н. Төреқұлов атындағы жоббм педагогы Уайсова Асем
ҰОҚ: Сауат ашу негіздері
Тақырыбы: Жж дыбысы мен әрпі
Оқу мақсаты:		Ж дыбысы және әрпімен таныстыру; Ж дыбысының сөздегі орнын анықтауға, жеке әріптерден сөз құрауға, әріп элементтерін дұрыс жазуға үйрету.
ҰОҚ мақсаты:		Ж дыбысының сөздегі орнын анықтай алады; Жеке әріптерден сөз құрай алады; Дыбыстарды ажырата алады.
Қолданылатын әдіс-тәсілдер:		Ойын әдісі, жұмбақ әдісі, көрнекілік әдісі, дәстүрден тыс әдіс, Монтессории техникасы.
Ресурстар.		Қолшам, интербелсенді тақта, құлақ тазалағыш таяқшалар, әріптер, фольга, түрлі-түсті кеңсе резеңкелері, қар шары. Bilim Kids Youtube арнасы https://youtu.be/ui8J9vlQ4wA https://youtu.be/41PPBG7gP1g сайттары.
Жоспарлау
ҰОҚ кезеңдері	Педагогтің әрекеті		Баланың әрекеті
Сабақтың басталуы Ұйымдастыру кезеңі 4 мин Өмірлік тәжірибені маңыздандыру. Мақсатты болжам. 2 мин Сабақтың негізгі бөлігі Тақырып бойынша жұмыс 20 мин	Шаттық шеңбері Күлімде, күн, күлімде, Жер жасарып көгерсін! Кешегідей бүгін де , Қанат қақсын көгершін! Психалогиялық ахуал орнату. Балаларға бос карточкалар ұсынылады: Балалар, сендерге сиқыр жасаған ұнай ма? Ендеше қазір біз сендермен нағыз сиқыршылар секілді сиқыр жасаймыз. Ол үшін қолшамдарды жағып, бос карточкаға жарық түсіріңдер. Не көріп тұрсыңдар? Осы көрінген әріптерден басталатын әдемі сөздер, игі тілектер айта отырып, бір-бірімізге жақсы көңіл күй сыйлайық. Әңгіме оқу. Ертеде отбасында жұмбақ айту салты болған. Жұмбақты үлкендер жасырып, балалар жауабын табады. «Жұмбақбай атайдың жұмбақтары» деген сөз ел арасында жиі айтылады. Шынында жұмбақ шешу өте қызық. Ал, сендерге жұмбақ шешкен ұнай ма? Ендеше мен сендерге жұмбақ жасырайын, ал сендер мұқият тыңдап, шешуін табыңдар. Осы жердегі жапырақ пен жұлдыз сөздері қандай дыбысқа басталып тұр? Дұрыс айтасыңдар, ж дыбысына. Бүгін сендермен сауат ашу ұоқ барысында ж дыбысы және әрпімен танысамыз. Алдымен ж дыбысын айтып көрейікші. Ол қандай дыбыс? Тақтаға қарай қойыңдар. Ж дыбысының әріптік таңбасымен таныс болыңдар. Сергіту сәті «Хоки-поки» биі (Видео https://bilimkids.kz/kk/articles/12 сайтынан алынды) Жарайсыңдар, балалар, бір билеп сергіп алған болсаңдар, орындарыңа жайғаса қойыңдар. Ж дегенім жолда, Жаңғалақтау болма, Жасыл жанса, жүгір, Қарап сол мен оңға! Алдымыздағы ж әрпін құлақ тазалағыш таяқшалармен бояу бастыра отырып сәндейік. Келесі бейне роликке назар салыңдар. (Видеоролик Шикула баспасы, https://youtu.be/41PPBG7gP1g сайтынан алынды) Ойын: «Шашылған әріптер» Шарты: Фольга жылтыр қағазы орамасын аша отырып, ішіндегі әріптерді алып, тақтада ілулі тұрған Ж әріптерінің тұсына сөз құрап қыстырады. Мысалы.: Ж ат Ж ет Ж ас т.б. Ж әрпін ауада жазайық. Дәптерге жазайық. Ойын: « Жұбын тап» Шарты: екі бағанға берілген әріптердің бас және кіші әріптерін тауып, кеңсеге арналған резеңкелерді қыстыра отырып, бір-бірімен байланыстырады. Тақтадан буынға бөлінен сөздерді оқиық. Жота, жас, жуа сөзерінде ж дыбысы сөздің қай жағында тұр? Ажар деген қыздың есімінде ше? Мұқтаж сөзінде ше? Байқағанымыздай ж дыбысы сөздің басын, ортасында, соңында да кездесе береді екен.		Шаттық шеңберіне тұрады. Өлең жолдарын айта отырып, қимылмен үйлестіреді. Бос карточкаларды алып, қолшаммен жарық түсіреді. Пайда болған әріптерден басталатын әдемі сөздерді қолданып, бір-біріңе жылы лебіздерін білдіреді. Тыңдайды. Жұмбақ шешеді. «Жұлдыз» сөзіне дыбыстық талдау жасайды. Ж дыбысына. Дыбысты айтады. Дауыссыз дыбыс екендігін анықтайды. Бейне роликті қарап, би қимылдарын қайталайды. Ж әрпінің боямағын сәндейді. Бейне роликті қарайды. Ойын шартына сай ойнайды. Әріпті ауада, кейін парақшаларда жазады. Ойын шартына сай ойнайды. Сөздерді оқиды. Ж дыбысының сөздегі орнын анықтайды.
Сабақтың қорытынды бөлімі рефлексиялық түзету. 4 мин	Ойын: «Қағып ал да, тез айт!» Шарты: балалар шеңберге тұрады. Жүргізуші қар шарын көрсетіп, оның суық екенін ескертеді. Ұзақ уақыт қолда ұстап тұрса, қол тоңатындығын айтды. Жүргізуші қай балаға қар шарын лақтырса, сол бала оны тосып алып, жылдам ж дыбысы бар сөз айтып, шарды кері лақтыруы керек. Рефлексиялық бағалау Аспан түстес көгілдір түсті плакатқа өздерінің бояған ж әрпі бар карточкаларын жабыстырады. Ешнәрсе түсінбедім, өз ойымды айта алмаймын дегендер өздеріне алып қалады; Түсіндім, бірақ айтып бере алмаймын, плакаттың сыртына; Түсіндім, өзгелерге айтып, түсіндіре аламын дегендер әріптерін плакатқа жабыстырады.		Ойын ойнайды. Бағалайды.